Vår Far i himmelen!
Lat namnet ditt helgast. Lat riket ditt koma.
Lat viljen din råda på jorda slik som i himmelen.
Gjev oss i dag vårt daglege brød,
og tilgjev oss vår skuld,
slik vi og tilgjev våre skuldnarar.
Og lat oss ikkje koma i freisting,
men frels oss frå det vonde.
For riket er ditt, og makta og æra i all æve. Amen.
(Song)
Må Guds fred, som går over all forstand,
vara våre hjarte og tankar i Kristus Jesus.
Amen.
Kveldsbøn (klassisk)
Gud, kom meg til redning.
Herre, skund deg til mi frelse.
Berre hos Gud er eg stille, frå han kjem mi frelse.
(Song)
Frå bibelsk salme 139:
Bakfrå og framanfrå omgjev du meg,
du har lagt di hand på meg.
Herre, du ransakar meg og du veit -
du veit om eg sit eller står, på lang avstand kjenner du mine tankar.
Om eg går eller ligg, ser du det, du kjenner alle min vegar.
Før eg har eit ord på tunga, Herre, kjenner du det fullt ut.
Bakfrå og framanfrå omgjev du meg, du har lagt di hand på meg.
Det er eit under eg ikkje skjønar, det er så høgt at eg ikkje kan fatta det.
Kvar skulle eg gå frå din pust, kvar kunne eg røma frå ditt andlet?
Stig eg opp til himmelen, er du der, legg eg meg i dødsriket, er du der òg.
Tek eg soloppgangens venger og slår meg ned der havet endar,
då fører di hand meg jamvel der, di høgre hand held meg fast.
10