Lat oss prisa Gud som gavmildt kronar året med sin haust.
Ved morgonens og kveldens portar skaper du jubel.
Du gjestar jorda og lèt henne drikka djupt, du gjer henne umåteleg rik.
Lat oss prisa Gud som gavmildt kronar året med sin haust.
Guds bekk er full av vatn, du sørger for kornet, ja slik sørger du for jorda.
Du vatnar fòrene, jamnar plogveltene,
med regnskurer gjer du jorda mjuk, du velsignar hennar grøde.
Lat oss prisa Gud som gavmildt kronar året med sin haust.
Du kronar året med dine gode gåver, spora dine flyt over av rikdom,
beita i øydemarka flyt over, haugane smykkar seg med jubel.
Markene kler seg med sauer, dalane sveiper seg i korn.
Dei ropar av glede, dei syng.
Lat oss prisa Gud som gavmildt kronar året med sin haust.
(Song)
Skaparen kronar året med alt me treng;
lat alt det skapte gi Gud æra.
Saman med lauvet som fell og vakre solrenningar
gir me Gud æra.
Saman med dei modne kornåkrane og frukthausten
gir me Gud æra.
Med heile haustens fargeprakt
gir me Gud æra.
Med fugletrekket mot sør og alle gode sommarminne
gir me Gud æra.
Saman med heile di kyrkje og alle dei som har gått føre oss
gir me Gud æra.
Gavmilde Gud, alt det gode på jorda prisar deg;
tilgjev oss som ikkje takkar.
Tilgjev oss, Gud, i din nåde.
Mange på jorda får ikkje del i dine gode gåver,
tilgjev oss som forbrukar di jord.
Tilgjev oss, Gud, i din nåde.
Den gode hausten kjem fordi frøa først kviler i den kalde vinterjorda;
tilgjev oss som ikkje lærer av rytmen i naturen.
Tilgjev oss, Gud, i din nåde.
14